معيشة بنت سعودية في لندن
السبب الرئيسي لوجودي في لندن هو دراستي جيت عشان دراسة الماجستير وحالياً أشتغل على الدكتوراة. البحث يحتاج أفكار وشغل مستمر بس الحمدالله أحاول أدرس وأستمتع في وقتي في هذي المدينة الجميلة.
في البداية ما حبيت بريطانيا أبداً وخصوصاً إني كنت في مدينة مانشستر (تبعد ساعتين بالقطار عن لندن) والمواصلات العامة فيها مو سريعة ومتوفرة في كل مكان وللأسف ماكان عندي سيارة فكان الوضع هناك صعب بس الحمدالله نقلت إلى لندن وحياتي تغيرت للأحسن.
في هذا المقال راح أشارككم بنبذة مختصرة عن طبيعة الحياة في لندن والتنقل فيها ونوعية النشاطات وما إلى ذلك.
الجو في لندن ممطر أغلب الأوقات وهذا اللي يطفش في الموضوع لأنه مع المطر الكثيف تتعطل المواصلات وكل شي يصير صعب. الحمدالله هذي الصيفية المطر قل بشكل ملحوظ وكان الجو مشمس بس لما تصير الحرارة فوق ٢٥ يصير حر مو طبيعي لأنه مافيه مكيفات أبداً والقطار يخنق. الشتاء طبعاً بارد بس بالعادة الثلج مايدوم في لندن.
لندن تتقسم إلى وسط المدينة central London
وشرقها East London
وشمالها South London
وغربها West London
وجنوبها North London
. أغلبية الزوار والسائحين يتواجدون جنب شارع أوكسفورد (شارع التسوق) وهارودز وشارع إدجوار (شارع العرب) وحديقة الهايد بارك. طبعاً في أول زيارة لي مع العائلة سوينا نفس الشي وبس زرنا هالأماكن، بس من صرت أعيش في لندن صرت أحاول ما أقرب لهذيك الأماكن من كثر الزحمة وغلاء الأسعار. أروح للحين بس أتجنبها بقدر الإمكان.
باقي الجهات في لندن تمتدد بمحيط دائري وكل ما تبعد عن الوسط كل ما يزيد رقم المحيط تقل الأسعار. أول محيط يسمى زون واحد ومع الامتداد يصير ٢ وبعدين ٣ وبعدين ٤. أنا بالعادة ما أطلع من زون ٤ لأنه بعدين كل شي يصير مرة بعيد. أنا حالياً أعيش في شمال شرق لندن في زون ٤ عشان أقدر على المعيشة الغالية لأنها ترخص كل ما يبتعد الواحد. مع الرخص تطول مدة المواصلات يعني أبعد عن كل مكان ( ٥٠ دقيقة أو ساعة) بس مع التعود الواحد يصير ما يحس بالمدة. في كل جهة في لندن فيها أماكن ونشاطات متعددة وفيه مناطق بغالبية مسلمة ومناطق بأغلبيات ثانية. لأَنِّي قريبة من شرق لندن فأقضي وقتي في منطقة (هوكستون او شورديتش) أو أحياناً بس أظل في شمال لندن حول مدينة غرينتش. كل النشاطات اللي تخطر على البال موجودة في لندن من رياضات إلى عروض تمثيلية وموسيقية بس في العادة المسافة هي أكبر معضلة بس على الأقل الاختيارات موجودة وحتى لو طالت المدة القطارات موجودة.
بالعادة أستخدم: Google mapsو City mapperو Tfl.gov.uk عشان أكتشف طريقي
بالنسبة للأكل. الأكل الحلال المذبوح على الطريقة الشرعية الإسلامية متوفر بكثرة وفيه مواقغ خاصة بس للاكل الحلال مثل
Halal girl about town و Halal gems
:أكثر شي أستمتع فيه زيارة المتاحف والأسواق المفتوحة اللي ماعندنا زيها في الخليج
أسواق مفتوحة: Camden Market, Brick Lane Market, Greenwich Market, Borough Market & Old Spitalfield Market
متاحف: British Museum, Victoria and Albert Museum, Leighton House Museum, Saatchi Gallery, National Gallery, Fashion and Textile Museum, Queen's Gallery, Science Museum & the Design Museum.
المتاحف والمعارض عندهم نشاطات مفيدة وممتعة ومحاضرات موجدة في مواقعهم
غالباً ألاقي النشاطات في لندن من هذه المواقع: Timeout London & Meet up groups in London
اذا حابين تشوفون أماكني المفضلة والمطاعم في لندن فشوفهم على الخريطة تحت